ഇടവകയിലെയും പരിസരപ്രദേശങ്ങളിലെയും വിദ്യാർത്ഥികൾക്ക് പുതുവർഷ പഠനക്കിറ്റുകളും യൂണിഫോമും നൽകി പള്ളിഭാഗം യുവജനപ്രസ്ഥാനം

 പള്ളിഭാഗം യുവജനപ്രസ്ഥാനത്തിന്റെ  ആഭിമുഖ്യത്തിൽ കുടശ്ശനാട് ഇടവകയിലും പരിസരപ്രദേശകളിലും , സാമ്പത്തികമായി വിവിധങ്ങളായ പ്രശ്നങ്ങളെ അഭിമുഖീകരിക്കുന്ന  കുടുംബങ്ങളിലെ സ്കൂൾ വിദ്യാർത്ഥികൾക്ക് അധ്യായന വർഷാരംഭത്തോട്   അനുബന്ധിച്ച് പഠനോപകരണ കിറ്റുകൾ വിതരണം ചെയ്തു . വിദ്യാർത്ഥികളുടെ ആവശ്യാനുസരണം 15 വിദ്യാർത്ഥികൾക്ക് സ്കൂൾ ബാഗ്, കുട, ലഞ്ച് ബോക്സ്,വാട്ടർ ബോട്ടിൽ, നോട്ട്ബുക്ക്, വിവിധ പഠനോപകരണങ്ങൾ എന്നിവ അടങ്ങിയ കിറ്റുകളും, 25  വിദ്യാർത്ഥികൾക്ക്  നോട്ട്ബുക്കുകളും പഠനോപകരണങ്ങളും അടങ്ങിയ കിറ്റുകളും , 20 വിദ്യാർത്ഥികൾക്ക് സ്കൂൾ യൂണിഫോമും ഈ അധ്യാന വർഷത്തിൽ ക്രമീകരിക്കുവാൻ സാധിച്ചു.ലോകം നേരിടുന്ന ഈ പ്രതിസന്ധി കാലഘട്ടത്തിലും  നമ്മുടെ നിരവധി പ്രവർത്തകർ / സീനിയർ പ്രവർത്തകർ സ്വന്തം കാര്യം പോലും മാറ്റിവെച്ചു സാമ്പത്തികമായി സഹരിച്ചതിന്റെ വിജയമാണ് 60-ഓളം കുഞ്ഞുങ്ങളെ കൈപിടിച്ച് കൂടെ നിർത്താൻ യുവജനപ്രസ്ഥാനത്തിന് കരുത്ത് നൽകിയത്.പ്രാർത്ഥനാപൂർവ്വം സഹകരിച്ച, എല്ലാ പിന്തുണകളും നൽകിയ,എല്ലാവരോടുള്ള നന്ദിയും സ്നേഹവും അറിയിക്കുന്നു.